JINSI JENEZA LA CONSOLATA NA MARIA LITAKAVYOKUA

Pacha walioungana Maria na Consolata wanatarajiwa kuzikwa Jumatano katika makaburi ya viongozi wa dini ya Roman Katoliki, Tosamaganga Mkoani Iringa.

Pacha hao wanaandaliwa jeneza moja lenye mfumo wa watu wawili huku misalaba ikiwa miwili na kaburi moja, akizungumzia ratiba ya maziko ya pacha hao, Muwakilishi wa Mkuu wa Mkoa wa Iringa Richard Kasesela amesema wapo katika hatua za mwisho za maandalizi ya mazishi hayo.

"Taratibu zinaendelea na tumekubaliana kutengeneza jeneza moja lenye mfumo wa watu wawili, tutakuwa na misalaba miwil lakini watazikwa kaburi moja," amesema. Kasesela.

Ibada ya kuaga mapacha hao itafanyika katika viwanja vya Chuo Kikuu cha Kikatoliki cha Ruaha (Rucu) kuanzia saa mbili asubuhi kabla ya safari ya Tosamaga kwa ajili ya mazishi

SAMBAZA HABARI HII
Habari Iliyopita
Habari Inayofuata