DC KAHAMA ATOA ONYO KWA WAFANYABIASHARA WAKUBWA KUTOWATUMIA WAFANYABIASHARA NDOGONDOGO KUPITIA VITAMBULISHO VYA JPM.

DC KAHAMA ATOA ONYO KWA WAFANYABIASHARA WAKUBWA KUTOWATUMIA WAFANYABIASHARA NDOGONDOGO KUPITIA VITAMBULISHO VYA JPM.
MKUU WA WILAYA YA KAHAMA ANAMRINGI MACHA.

KAHAMA

SERIKALI wilayani Kahama mkoani Shinyanga imetoa onyo kwa wafanyabiashara wakubwa Wilayani humo wenye mpango wa kuwatumia wafanyabiashara ndogondogo kuwauzia bidhaa zao mitaani kwa kutumia vitambulisho vya Ujasiliamali vilivyotolewa na Rais John Pombe Magufuli.

Onyo hilo limetolewa leo Mjini Kahama na mkuu wa Wilaya ya Kahama Anamringi Macha wakati akizindua vitambulisho vya ujasiliamali kwa halmashauri za Kahama Mjini,Msalala na Ushetu.

Macha amesema wamepata taarifa kuwa kuna baadhi ya wafanyabiashara wakubwa wameanza kuwaambia wafanyabiashara ndogondogo wakiwemo wamachinga watafute vitambulisho hivyo ili wawape bidhaa wauze mitaani kwa kuwa ukiwa na kitambulisho hicho hulipi kodi wala usumbuliwi na Mamlaka ya mapato Tanzania (TRA).

Ameongeza kuwa nia ya wafanyabiashara hao ni ovu na kwamba kufanya hivyo ni kuiibia Serikali kwa kukwepa kulipa kodi halali na kusema kuwa mfanyabiashara mdogo  akikutwa na bidhaa hizo za dukani ataombwa risiti na wakaguzi  kisha kufikishwa katika vyombo vya Sheria yeye na mtu aliyempatia bidhaa hizo.

Katika hatua nyingine Macha amesema wataunda madawati maalumu kwa halmashauri ya Msalala,Kahama Mji na Ushetu ili Kurahisisha  wajasailimali wadogo kuchukua fomu za kuomba vitambulisho hivyo katika maeneo waliyopo.
 KUSHOTO NI MKURUGENZI WA HALMASHAURI YA MJI WA KAHAMA ANDERSON MSUMBA AKIWA NA MKURUGENZI WA HALMASHAURI YA MSALALA SAIMON BEREGE.

Kwa upande wake Mkurugenzi wa halmashauri ya Msalala Saimon Berege amesema kuwa vitambulisho hivyo vitasaidia kuwatambua kihalali wajasilimali wadogo katika halmashauri na kuleta wepesi wa kuwapatia mikopo na kuwakwepa wafanyabiashara wadanganyifu wanaoomba mikopo licha ya kuwa mitaji yao ni mikubwa katika biashara zao.

Naye mkurugenzi wa Halmashauri ya Kahama Mji,Anderson Msumba amewataka wajasilimamali wadogo  kutoa taarifa sahihi katika fomu walizopewa na kuongeza kuwa kupitia vitambulisho hivyo itasaidia kuweka mikakati mizuri ya kuwainua wajasiliamali hao kutoka daraja la Chini kwenda la kati hadi kufikia daraja la juu.

Awali wakitoa maoni yao baadhi ya wafanyabiashara wadogo wilayani Kahama wamempongeza Rais Magufuli kwa kuja na mpango huo na kuongeza kuwa vitambulisho hivyo vitawasaidia kufanya biashara zao kwa amani tofauti  na ilivyokuwa zamani  ambapo walikuwa wanasumbuliwa na kudharauliwa. 

Wilaya ya Kahama imepatiwa vitambulisho elfu kumi katika awamu ya kwanza,ambavyo vitatolewa katika halmashauri ya Kahama Mjini,Halmashauri ya Msalala na Halmashauri ya Ushetu.





RAIS MAGUFULI ASEMA WALIOBOMOLEWA NYUMBA ZAO ENEO LA KIMARA, MBEZI HAWATALIPWA FIDIA .

RAIS MAGUFULI ASEMA WALIOBOMOLEWA NYUMBA ZAO ENEO LA KIMARA, MBEZI HAWATALIPWA FIDIA .
Rais John Magufuli amesema waliobomolewa nyumba kupisha upanuzi wa barabara ya Morogoro eneo la Kimara hadi Mbezi jijini Dar es Salaam hawatalipwa fidia kwa kuwa walijenga katika eneo la hifadhi ya barabara.

Rais Magufuli ametoa ufafanuzi huo leo Jumatano Desemba 19, 2018 katika hafla ya uwekaji jiwe la msingi la upanuzi wa barabara hiyo inayofanyika eneo la Kimara Stop Over.

Huku akirejea mara tatu kusema "hakuna fidia", Magufuli amesema hata wakienda mahakamani hakuna fidia.

“Niwambie tu wananchi kuwa ukisogelea barabara madhara yake ni umasikini, hata mimi sijafurahishwa na hii bomoabomoa kwa kuwa wapo ndugu zangu nyumba zao zimebomolewa,” amesema.

"Ni vyema kuwaambia ukweli kesi hii hata wakienda wapi hawawezi kushinda."

UCSAF YARAHISISHA MAWASILIANO HALMASHAURI YA USHETU KATA TANO ZANUFAIKA.

UCSAF YARAHISISHA MAWASILIANO HALMASHAURI YA USHETU KATA TANO ZANUFAIKA.
Naibu waziri wa Ujenzi Elias Kwandikwa akikata utepe ikiwa ni ishara ya kuuzindua Mnara huo akiambatana ,na viongozi mbalimbali wa serikali, na Chama katika kijiji cha Nyamilangano Halmashauri ya Ushetu mkoani Shinyanga.
 KAHAMA
Na Salvatory Ntandu
ZAIDI ya wananchi elfu 50 kutoka kata tano za Halmashauri ya Ushetu Wilayani hapa Mkoani Shinyanga ambao walikuwa wanakabiliwa na changamoto ya mawasiliano kwa muda mrefu,hatimae wamepata huduma hiyo kupitia mfuko wa mawasiliano kwa wote (UCSAF)

Wakizungumza jana katika hafla ya uzinduzi wa Mnara unaomilikiwa na kampuni ya Vodacom ambao umejengwa na serikali kupitia mfuko wa mawasiliano kwa wote,walisema kuwa walikuwa watembea umbali kutafuta huduma ya mawasiliano kwa baadhi ya kata zilizo na mawasiliano.

Eliasi Zakaria ni mmoja wa wananchi wa kata ya Nyamilangano alisema,walikuwa wakitembea umbali mrefu kutafuta huduma ya mawasiliano kwa zaidi ya kilomita 100 kufika Kahama Mjini hali ambayo ilikuwa ikikwamisha shughuli za maendeleo katika maeneo yao.

Nae Ofisa Mjendaji wa kijiji cha Nyamilangano Namana Shabani alisema,walikuwa wanapata shida ya mawasiliano katika kuwaalika wajumbe wa serikali ya kijiji katika mikutano ya maendeleo ambapo njia iliyokuwa ikitumika ni barua au kumfuata nyumbani.

“Tulikuwa tunapata shida kuwaalika wajumbe wa serikali ya kijiji na kata kuhudhuria kikao cha maendeleoa na mfumo ambao tulikuwa tunautumia kuwapa taarifa ilikuwa ni kuwatumia barua ama kuwafuata nyumbani mjumbe mmoja baada ya mwingine hali ambayo ilikuwa inakwamisha shughuli za maendeleo kwenda kwa wakati”alisema Shabani.

Aidha Katibu wa Mfuko wa Mawasiliano kwa Wote nchini (UCSAF)Justina Mashiba alisema, mpaka sasa zaidi ya Minara 530 imeshafungwa katika kata mbalimbali nchi nzima na zaidi ya wananchi milioni nne wameshanufaika na huduma ya mawasiliano kwa wote vijijini.

Aliendelea kusema kuwa mnamo tarehe 13 mwezi disemba mwaka huu wameshasini mikataba na makapuni ya simu kwaajili ya ujezi  wa minara 173 katika ambazo zinachangamoto ya mawasiliano hapa nchini.

Hata hivyo mwenyekiti wa Mfuko huo Joseph Kilongola alisema wamekuwa walikijenga minara katika kata zenye mvuto wa kibiashara na kuongeza kuwa ifikapo mwaka 2020 kila sehemu zenye changamoto ya mawasilano hapa nchini zitakuwa zimepata huduma hiyo.

Kwa upande wake Meneja wa Kampuni ya Vodacom wilaya hapa Jovity Ikate alisema Halmashauri ya Ushetu inajumla ya minara 10 kati hiyo minara miwili imejengwa na Serikali kwa asilimia 100 na kuwataka wananchi wa kata hizo kuchangamkia fursa za kibiashara kupitia huduma ya mawasiliano.

Pia Naibu waziri wa Ujenzi na mbunge wa jimbo la Ushetu Elias kwandikwa alisema kuwa kupatikana kwa Mnara huo kutasaidia kupunguza adha kwa wananchi na watumishi wa Halmashauri hiyo kusafiri umbali mrefu kufua huduma ya mawasiliano.

Aliongeza kuwa serikali kupitia mfuko huo itaendelea kutoa huduma ya mawasiliano katika maeneo yote ambayo yanachangamoto ya huduma ya mawasiliano ili kuongeza chachu ya maendeleo katika kata na vijiji hapa nchini.

MATUKIO KATIKA PICHA:

Meneja wa Vodacom wilaya ya kahama Jovin Ikate akisoma taarifa ya ujenzi wa Mnara huo katika Hafla ya uzinduzi wa Mnara huo katika kijiji cha Nyamilangano.

Katibu wa Mfuko wa Mawasiliano kwa wote nchini (UCSAF) akizungumza na Wananchi na viongozi waliohudhuria  Hafla ya Uzindunzi wa Mnara huo ambao umejengwa kwan ufadhili wa serikali ya Jamhuri ya muungano wa Tanzania kupitia Mfuko wa Mawasiliano kwa Wote


Baadhi ya wananchi na viongozi waliohudhuria katika Uzinduzi wa mnara huo katika kijiji cha Nyamilangano. 
Mwenyekiti wa Mfuko huo Joseph Kilongola wa Mawasiliano kwa Wote (UCSAF) akitoa maelekezo namna Mfuko huo unavyofanya kazi hapa nchini

Mwenyekiti wa Halmashauri ya Ushetu Juma Kimisha akielezea changamoto za mawasilano ambazo walikuwa wanazipata awali kabla ya kujengwa kwa mnara huo.
Viongozi wa Chama na serikali wakishuhudia tukio la uzinduzi wa manara huo jana 
Kulia ni Naibu waziri wa Ujenzi Elias Kwandikwa,katikati ni Mkurugenzi mtendaji wa Halmashauria ya Ushetu Michael Matomora na  Mwenyekiti wa Mfuko huo Joseph Kilongola wa Mawasiliano kwa Wote (UCSAF) 
Kulia ni Mwenyekiti wa Halmashauri ya Ushetu Juma Kimisha na Naibu waziri wa Ujenzi Elias Kwandikwa,na Mwenyekiti wa Mfuko huo Joseph Kilongola wa Mawasiliano kwa Wote (UCSAF) wakifurahia uzinduzi wa Mnara huo.



CHAMA KIKUU CHA MIRAMBO CHAZINDULIWA TABORA,SERIKALI YATOA ONYO KWA WAKULIMA WANAOUZA MBOLEA.

CHAMA KIKUU CHA MIRAMBO CHAZINDULIWA TABORA,SERIKALI YATOA ONYO KWA WAKULIMA WANAOUZA MBOLEA.

WAKULIMA WA KANDA YA KALIUA WANANCHAMA WA CHAMA KIKUU CHA MIRAMBO WAKIWA KATIKA UKUMBI WA MIKUTANO.

TABORA
SERIKALI Mkoani Tabora Imewataka viongozi wa chama kikuu cha Ushirika cha Mirambo kuwachukulia hatua kali za kisheria wakulima wote wanaokopa na kuuza pembejeo ikiwa ni pamoja na wanaokiuka taratibu za Ushirika.

Wito huo umetolewa na katibu Tawala wa mkoa wa Tabora Robert Makungu wakati wa Uzinduzi wa Chama kikuu cha ushirika cha Mirambo kilichopo Urambo mkoani Tabora.

Makungu Amesema kumekuwa na tabia ya baadhi ya wakulima wilayani Humo kukopa pembejeo kwa bei ya juu na kuuza kwa bei ya chini hali inayowafanya wakulima wengi kubaki masikini baada ya mavuno na kuitupia lawama Serikali.

Sambamba na hayo amewaagiza viongozi wa chama cha ushirika Mirambo kutowafumbia macho wanachama wasiofuata taratibu za ushirika ikiwa ni pamoja na kuwahamasisha wanachama wengine kujiunga na ushirika ili kuunganisha nguvu katika uzalishaji.

Naye Mrajisi msaidizi tume ya Maendeleo ya Ushirika Sadick Chikira amewataka viongozi wa Chama kikuu cha Ushirika Mirambo kuwaelimisha wanachama pindi inapotokea migogoro na itatuliwe kwa taratibu za kisheria.

Kwa upande wake Mkurugenzi mkuu bodi ya Tumbaku Tanzania (TTB) Dr Julius Ningu amewataka wakulima wa chama kikuu cha Mirambo kuongeza nguvu katika uzalishaji wa zao la Tumbaku ambalo kwa sasa linaingiza pato la taifa kwa asilimia 37% ili kufikia walau asilimia 50%.

Akitoa salamu za wabunge wa Tabora,Mwenyekiti wa Wabunge hao Mama Magreth Sitta amesema kuwa kilio kikubwa cha wakulima kwasasa ni masoko na Pembejeo na kutoa wito kwa chama kikuu cha ushirika Mirambo kuhakikisha kinawasaidia wakulima kuondoa kilio hicho cha muda mrefu.

Awali akielezea ubora wa zao la Tumbaku Mwenyekiti wa wa vyama vya ushirika vya wakulima wa Tumbaku Tanzania Emmanuel Cherehani amewataka wakulima wa zao hilo mkoa wa Tabora kuisimamia Tumbaku kuanzia Shambani hadi Sokoni na kuacha tabia ya kuwaachia wafanyakazi kushughulikia zao hilo.

Tukio la uzinduzi wa Chama kikuu cha Mirambo lilidhaniwa na kampuni ya Petrobena wasambazaji wa Mbolea za Yara ambao wamewahakikishia wakulima hao kupata mbolea kwa wakati na kuwapa mafunzo ya namna bora ya kutumia mbolea kwa kutumia maafisa ugani wao.

Katika mkuutano huo,Ulifanyika uchaguzi wa viongozi wa Chama hicho ambapo Hassan Magoha alichaguliwa kuwa Mwenyekiti na Ramadani Kalihamwe alichaguliwa kuwa Kaimu mwenyekiti huku wajumbe ni Patrick Mikindo,Mashaka Hamisi,Abisahi Kasele,Thomas Sizya na Mathew Kasagila.

Chama kikuu cha Mirambo ni chama kipya kilichoundwa kwa mujibu wa Sheria na taratibu za Ushirika ambacho kimeanzishwa baada ya wanachama wake wa Urambo na kaliua kujimega kutoka katika chama kikuu cha ushirika cha wakulima wa Tumbaku kanda ya Magharibi  WETCU.

MATUKIO KATIKA PICHA:

KATIBU TAWALA WA MKOA WA TABORA AMBAYE ALIKUWA MGENI RASMI ROBERT MAKUNGU AKITOA NENO KWA WAKULIMA WA CHAMA KIKUU CHA USHIRIKA CHA MIRAMBO.


WANACHAMA WA CHAMA KIKUU CHA MIRAMBO KUTOKA KANDA YA URAMBO WAKIMSIKILIZA KWA MAKINI MGENI RASMI.

 MENEJA WA CHAMA KIKUU CHA USHIRIKA MIRAMBO AKIWA KATIKA MAJUKUMU YA KUENDESHA KIKAO CHA KWANZA CHA UZINDUZI WA CHAMA KIKUU CHA MIRAMBO.


KATIBU TAWALA WA MKOA WA TABORA AMBAYE ALIKUWA MGENI RASMI ROBERT MAKUNGU AKISAINI KATIKA KITABU CHA WAGENI.

 MRAJISI WA MKOA WA TABORA AKITOA UFAFANUZI KUHUSU NAMNA YA KUENDESHA UCHAGUZI WA CHAMA KIKUU CHA USHIRIKA.

 WAGENI WAALIKWA KUTOKA TAASISI ZA KIFEDHA,WANUNUZI WA TUMBAKU PAMOJA NA WAFANYAKAZI WA KAMPUNI YA USAMBAZAJI MBOLEA PETROBENA WAKIWA KATIKA UKUMBI WA MIKUTANO.

MRAJISI MSAIDIZI TUME YA MAENDELEO YA USHIRIKA TAIFA SADICK CHIKIRA AKITOA MISINGI NA MAMBO YA KUZINGATIA KWA WANACHAMA WA CHAMA KIKUU CHA MIRAMBO.

MWENYEKITI WA VYAMA VYA WAKULIMA WA TUMBAKU TANZANIA EMMANUEL CHEREHANI AKIZUNGUMZA KATIKA MKUTANO HUO NA KUWATAKA WAKULIMA WA ZAO LA TUMBAKU TABORA KULISIMAMIA KIKAMILIFU ZAO HILO NA KUACHA TABIA YA KUWAACHIA WAFANYAKAZI KUSHUGHULIKA NA ZAO HILO.

 WAGENI WAALIKWA NA MAAFISA UGANI KUTOKA MAENEO MBALIMBALI WAKIWA KATIKA UKUMBI WA MKUTANO.

 BANDA LA PEMBEJEO NJE AYA UKUMBI WA MIKUTANO,WAKULIMA WALPATA NAFASI YA KUULIZA MASWALI NA KUJIBIWA IKIWA NI PAMOJA NA KUPATA ELIMU YA MATUMIZI BORA YA MBOLEA ZA YARA.

 MKURUGENZI MKUU BODI YA TUMBAKU TANZANIA (TTB) DR JULIUS NINGU AKIWASIHI WAKULIMA KUZALISHA KWA TIJA TUMBAKU ILI KUKUZA KIPATO CHA TAIFA.

 MWENYEKITI WA WABUNGGE MKOA WA TABORA MAMA MAGRETTH SITTA AKIZUNGUMZA KWA NIABA YA WABUNGE WA TABORA,KIKUBWA AMEZUNGUMZIA KILIO CHA MASOKO NA PEMBEJEO KWA WAKULIMA WA TUMBAKU,NA KUOMBA CHAMA  KIKUU CHA MIRAMBO KUHAKIKISHA KINASIMAMA KUWATETEA WAKULIMA.

 MKUU WA WILAYA YA URAMBO ANGELINA KWINGWA AKIZUNGUMZA KATIKA MKUTANO HUO NA KUWASIHI WAKULIMA WAZINGATIE KALENDA YA ZAO LA TUMBAKU NA KUHAKIKISHA WAKULIMA WANAPANDA MITI KWA WINGI.

 MKURUGENZI MTENDAJI WA KAMPUNI YA PETROBENA WASAMBAZAJI WA MBOLEA ZA YARA BWANA PETER KUMALILWA AKIZUNGUMZA KATIKA KIKAO HICHO NA KUWAHAKIKISHIA WAKULIMA WA CHAMA KIKUU CHA MIRAM BO WATAPATA MBOLEA KWA WAKATI NA ZENYE UBORA KATIKA KUUMGA MKONO JUHUDI ZA MH RAIS WA JAMHURI YA MUUNGANO WA TANZANIA MH JOHN POMBE MAGUFULI.

 MWAKILISHI WA KAMPUNI YA ALLIANCE ONE BWANA MAYUNGA AKIZUNGUMZA KATIKA KIKAO HICHO,KIKUBWA AMEWATAKA WAKULIMA MKOANI TABORA KUACHA KUWATUMIKISHA WATOTO MASHAMBANI NA KUPANDA MITI MINGI IKIWA NI PAMOJA NA KUTUMIA MABANI YA KISASA.

ALIYEKUWAMWENYEKITI WA MUDA WA CHAMA KIKUU CHA MIRAMBO BWANA RAMADHANI KALIHAMWE AKISOMA TAARIFA YA CHAMA HICHO NA KWAMBA WAMEJIPANGA KUAPANDA ZAIDI YA MITI MILIONI 4 NA LAKI 6 KWA MSIMU HUU.